සිය ස්වාමිපුරුෂයා විසින් ලබාගත් ණය මුදලක් නොගෙවීම නිසා ණයකරුවන් ගෙදරට ඒමෙන් අඹු-සැමියන් අතර නිතර නිතර ආරවුල් ඇතිවීම නිසා මේ මව 12දා දහවල් මාතර බලා යන බව දන්වා බස් රියක නැඟ එද්දී ඒ පිළිබඳ ඇගේ 14 හැවිරිදි පිරිමි දරුවාට සැක මතුවී තිබේ.
ඒ අනුව එම දරුවා ත්රිරෝද රථයක් රැගෙන මව ගිය ගමන් මඟේ බස් රිය ලුහුබැඳ පැමිණ ඇති නමුදු ඇය ඒ වන විට නිල්වලා ගඟට පැන තිබූ බව ඔහුට දැනගන්නට ලැබී ඇති බව පොලිසිය පැවැසීය.
නිල්වලා ගඟේ පාලම අසල තිබූ අත් බෑගයෙන් එය සිය මවගේ බව පුතා විසින් හඳුනාගෙන ඇති බවද පොලිසිය සඳහන් කෙළේය.
ගඟට පැන ඇති තුන්දරු මව සෙවීම සඳහා පොලිසිය, නාවික හමුදා කිමිඳුම්කරුවන් කැඳවා තිබිණි.
මවට දාව වයස 14, 10 සහ අවුරුදු 5ක පිරිමි දරුවන් තිදෙනකු සිටින බවද පොලිසිය පැවැසීය.
එම මව නාකුළුගමුව ප්රදේශයේ සමෘද්ධි බැංකුවක සේවය කරන කාන්තාවක් බව අනාවරණය වී ඇතැයි පොලිසිය සඳහන් කෙළේය.
ණය ගෙවා ගැනීමට අපොහොසත්ව පවුලේ ඇතිවූ ආරවුලක් හේතුවෙන් ඇතිවූ සිත් තැවුලක් නිසා සියදිවි හානි කරගැනීමට මෙසේ ගඟට පනින්නට ඇතැයි සැක කෙරේ. මාතර පොලිසිය පරීක්ෂණ පවත්වයි.
නිල්වලා ගඟට පැන තිබූ තිදරු මවගේ මළ සිරුර 12දා සවස 1.30ට පමණ යුද හමුදාව විසින් ගොඩගෙන තිබූ බව පොලිසිය පැවැසීය.
