ලබුදුව නරාවල පාරේ සිරිධම්ම විදුහල පිහිටි මාර්ගයේ මීටර් 100 ක් පමණ අතුරු පාරක පිහිටි දැල්කැටදූව වත්ත නමැති ඉඩමේ මෙම දරුවා පදිංචි නිවස පිහිටා ඇත. ලබුදුව සිරිධම්ම විදුහලේ සිට මීටර් 400 ක් පමණ දුරින් විදුහලේ සීනුහඬ ඇසෙන මානයේ මෙම නිවස පිහිටා ඇත.
මේ තත්ත්වය යටතේ දරුවා දැනට පාසල් නොගියත්, දෙමාපියන් විසින් නිවසට පුද්ගලිකව ගුරුවරුන් ගෙන්වා අධ්යාපනය ලබාදීම නිසා දරුවාට හොඳින් පොත පත කියවීමට, ලිවීමට චිත්ර ඇඳීමට, ගීත ගායනා කිරීමට ඕගනය වාදනය කිරීමට හැකියාව ඇත. නිර්මාණ කුසලතා ඇති දරුවෙකි. අඩුවකට ඇත්තේ ඇවිදීමට නොහැකිවීම පමණි.
මෙම දරුවාගේ පියාවන කේ. පී. ජී. සිරිල් විඡේවර්ධන මහතා රජයේ පාසලක ඉංග්රීසි පුහුණු
ඒ අනුව ලබුදුව සිරිධම්ම විදුහලට මෙම දරුවා ඇතුළත් කර ගත්තේනම්, මවට සෑම දිනකම පන්තිය අසල රැඳී සිටිමින් දරුවාගේ අවශ්යතාවන් ඉටුකිරීම, දරුවා පාසලට රැගෙන පහසුවෙන් යැම හා ඒමට ඉඩ තිබිණි.
තවද නිවසට කිට්ටුව ඇති තොටගොඩ අත්තදස්සි කනිටු විදුහලට මෙම දරුවා ඇතුළත් කිරීමට, මෙම දෙමාපියන් විසින් ඉල්ලීම් කොතෙක් කළත් ඉටුනොවීය.
මේ තත්ත්වය යටතේ ලබුදුව සිරිධම්ම විදුහලට නව විදුහල්පති ලෙස පැමිණි නිහාල් ගුරුසිංහ මහතාගෙන්ද මෙම දෙමාපියන් විසින් නැවත මෙම දරුවා 2014 වසරට ඇතුළත් කරගන්නා ලෙසද ඉල්ලීමක් කර ඇත.
ඒ අනුව මෙම පියා විසින් තම ආබාධිත දරුවාගේ ඡායාරූපයන්ද සහිතව ගුරු මාරු ඉල්ලුම්පතක්ද දකුණු පළාත් අධ්යාපන අමාත්යාංශයට ඉදිරිපත් කර ඇත.
තවද මේ ගැටලුව ජනාධිපතිතුමාට යොමු කිරීමෙන් පසු, ජනාධිපති ලේකම් කාර්යාලය මගින් 2013 ජුනි 07 දින සී. එස්. / 1/22/37 (7) 264843 දරන ලිපිය එවා ඇතත් ඉන්ද එයට විසඳුමක් ලැබී නැත.
කෙසේ හෝ වේවා මෙම අහිංසක ආබාධිත දරුවාට අධ්යාපනයක් ලබාදීමට හැකිව ඇති විදුහල්පතිවරුන් එය නොතකා හැරීම ගැනද, නැතහොත් මෙම දරුවාගේ පියාට ස්ථාන මාරුවීමක් ලබාදී අවශ්ය පහසුකම් නොසැපයීම ගැන අදාළ අධ්යාපන නිලධාරීන් වෙතද යොමු වන්නේ ජනතා අප්රසාදයකි.
එම නිසා මේ ගැන ජනාධිපතිතුමාගේ, අධ්යාපන ඇමැතිතුමාගේ, දකුණු පළාත් අධ්යාපන ඇමැතිතුමාගේ අවධානය යොමුවී විසඳුමක් ලැබෙන තුරු ඔවුහු බලා සිටිති.
