රිමාන්ඩ්භාරයේ සිට ඇප නියම වූ සැකකරු වූයේ ජාඇල උදම්මිට පදිංචි සුජාන් ධනුෂ්ක සිල්වා නමැත්තෙකි. සීදුව පොලිසිය මගින් සැකකරුට එරෙහි ගොනුකළ පැමිණිල්ල අනුව සැකකරු වෙතින් අතවරයට පත් තරුණිය සීදුව දඹදුරය ප්රදේශයේ පදිංචිකාරියකි. ඇගේ පියා මව සමග විරසක වී ඔවුන් දෙදෙනා වෙන් වී ඇත. තරුණිය මව සමග ජීවත් වන්නීය. මිස්කෝල් එකකින් හදිසියේ හමුවූ පෙම්වතා එම තරුණිය රවටා කැඳවාගෙන ගොස් දූෂණය කිරීමෙන් අනතුරුව ඇය සතියක පමණ කාලයක් ඔහුගේ බෝඩිමේ රඳවාගෙන ඇත. පසුව සැකකරු තමා විවාහකයකු බවත් තමාට දරුවකු සිටින බවත් පවසා තරුණිය බෝඩිමෙන් පන්නා දමා ඇත. සීදුව පොලිසිය පැමිණිල්ල මෙහෙය වීය. විත්තිය වෙනුවෙන් නීතිඥ ගොඩ්ප්රි කුරේ මහතා පෙනී සිටියේය. වැඩිදුර විභාගය ජුනි මස 20 වැනිදා පැවැත්වේ.
