Gossip Lanka

මියගිය සිය පුතුගේ හිස අතගාමින් වයෝවෘද්ධ ජර්මන් ජාතික මවක් සිකුරාදා (01) මාතර රෝහලේ මෘත ශරීරාගාරයේ හඬා වැළපුන ආකාරය එහි සිටි කීප දෙනාගේ දෑස් කඳුලින් තෙත් කරවන්නට සමත් වූ දුක්බර දසුනක් විය. හෙල්කේ ස්ටේපන් (43) නැමැති ජර්මන් ජාතිකයා සිය මව වන 75 හැවිරිදි ගුටිරුල් හේල්ක්‍රේ (75) සහ තවත් මිතුරු යුවළක් සමග ශ්‍රි ලංකාවට නොබොදා පැමිණියේ විනෝද සංචාරයකටය. හේල්ක්‍රේ කෞතුක භාණ්ඩ එකතු කරන්නෙක් වශයෙන්ද ප්‍රසිද්ධියක් උසුලයි.මොවුන් හතර දෙනා නවාතැන් ගත්තේ දික්වැලේ පිහිටි හෝටලයකයි.
හදිසියෙම ඔහු මුහුදේ දිය රැලි අතරේ නොපෙනී ගියේය. අවට සිටියෝ මුහුදට පැන අතුරුදන් වූ පුද්ගලයාගේ සොයා සිරුර ගොඩට රැගෙන එන විට සිද්ධිය ආරංචි වී දික්වැල්ල පොලිසියේ නිලධාරින්ද එහි පැමිණියහ. නමුත් ඒ වනවිටත් හෙල්ක්‍රේ ස්ටේපන් සදහටම සමුගෙන අවසන්ය. මහේස්ත්‍රාත්වරයා පැමිණ පරීක්ෂණ පවත්වා අධිකරණ වෛද්‍ය පරීක්ෂණයක් පවත්වන ලෙස නියෝග කරමින් සිරුර මාතර රෝහල වෙත ගෙන යන්නට අවසර දුන්නේය.