මා වෙත ඉදිරිපත් කරණ ලද පණුවා ජීවී තත්ත්වයෙන් සිටියා.පසුව මම එම බිත්තරය සහ පණුවා වාරියපොල පිහිටි සත්ත්ව නිෂ්පාදන දෙපාර්තමේන්තුවේ රසානයාගාරයේ වෛද්ය චින්තක කරුණාරත්න මහතා වෙත ඉදිරිපත් කිරීමට කටයුතු කරණු ලැබුවා.
මා විසින් ඉදිරිපත් කර ඇති බිත්තරයේ සිට ඇත්තේ නිව්ටෝඩා වර්ගයට අයත් පණුවෙක් බවත්,සාමාන්යයෙන් මෙම පණුවා කුකුළන්ගේ ශරීරය තුළ ජීවත් වුවත් උන් බිත්තරයක් තුළට ඇතුළු වීමේ ප්රවනතාවය අඩු බවද වෛද්ය කරුණාරත්න මහතා කියා සිටියා.ඇතැම් විට කිකිලියගේ කුස තුළ බිත්තරය මෝරන්නට පෙර මෙම පණුවා ඇතුළු වීමට ඉඩ ඇති බවත්,කෙසේ වෙතත් බිත්තරයක් තුළ සිටි පණුවෙකු තමන් දුටු පළමු වතාව මෙය බවද වෛද්ය කරුණාරත්න මහතා වැඩිදුරටත් කියා සිටියා. යැයි මහජන සෞඛ්ය පරීක්ෂක සී.එස්.මුතුකුඩ මහතා අප සමග පැවසීය.
තමන්ට හමුවු මෙම පණුවා සහිත බිත්තරය ඉදිරි පරීක්ෂණ කටයුතු සදහා වාරියපොල පිහිටි සත්ත්ව නිෂ්පාදන පර්යේෂනාගාරයේ තබා ඇතිබවද මුතුකුඩ මහතා වැඩිදුරටත් කියා සිටියේය.
