‘ඩෙකෑන් හෙරල්ඩ්’ පුවත්පතට අදහස් දක්වා ඇති ජ්යෙෂ්ඨ පූජකතුමකු වන මුෆ්ටී අරීෆ් ක්වස්ම් කාටූන්, පින්තූර වුව ද ඒවා ළමයින් සඳහා නොවන බව ද ඒවා නොබැලිය යුතු බව ද සඳහන් කර ඇත. සජීවීකරණ නිර්මාණ පිළිබඳ ඉස්ලාම් ඉගැන්වීමේ බොහෝ පැහැදිලි කිරීම් ඇති බව සහ අල්ලාගේ මැවීම් අනුකරණය කිරීම ඉස්ලාම් දහමට කරන අවමන් කිරීමක් යන පදනම මත පිහිටා සජීවීකරණ නිර්මාණ දැඩි ලෙස තහනම් කර ඇති බව මුෆ්ටි අරීෆ් වැඩිදුරටත් සඳහන් කර තිබේ. කෙසේ වුව ද ඡායාරූප සහ වීඩියෝ සඳහා මෙම තහනම බලපා නැත.
ඩරුල් උලූම් ආගමික නායකයින්ගේ මෙම තීරණය බොහෝ දෙනාගේ විවේචනයට ලක්ව තිබේ. කෙසේ වුව ද ඩරුල් උලූම් ආගමික මධ්යස්ථානය මතභේදයට ලක්වන තීන්දු ලබා දුන් පළමු අවස්ථාව මෙය නොවේ. ඇල්කොහොල් අඩංගු සුවඳ විලවුන් භාවිතය, ටැටූ කෙටීම, කලිසම් හෝ බටහිර පන්නයේ හිසකෙස් විලාසිතා යෙදීම කාන්තාවන්ට තහනම් කරමින් ඔවුන් මෙයට පෙර ද නියෝග ලබා දී තිබේ.
(බි.බි.සී.)
